ID: com.wuyghurislamcartoon
Version: 0.1
Size: 0 Mb
Peyghembirimiz Muhammed (a.s) Screen Preview
Peyghembirimiz Muhammed (a.s) Details
ئەسسالامۇ ئەلەيكۇم ھۆرمەتلىك قېرىندىشلار! ئەۋلاد تەلىم-تەربىيە ماتېرىياللىرى تەييارلاش گۇرۇپپىسى تارقاتقان "ئەۋلاد" ناملىق ئەپنى چۈشۈرگەنلىكىڭىز ئۈچۈن سىزنى تەبرىكلەيمىز. بۇ ئەپنىڭ ئىچىدە ئۇيغۇر ياش-ئۆسمۈرلىرىنىڭ دىنى ۋە ئەخلاقى جەھەتتىن ساغلام تەربىيەلىنىشى ئۈچۈن تەييارلانغان تۆۋەندىكى ماتېرىياللار بار. (تەييارلىنىۋاتقان ماتېرىياللار تەييار بولغانسېرى قوشۇلۇپ، داۋاملىق يېڭىلىنىپ تۇرىدۇ.) ئەپكە كىرگۈزۈلگەن ماتېرىياللار تۆۋەندىكىچە: 1- 3 DVD پىلاستىنكىسىدىن تەركىپ تاپقان "ئەخمەت ۋە دوستلىرى ئىمان-ئىسلامنىڭ شەرتلىرىنى ئۆگەنمەكتە" ناملىق كارتونلار؛ 2- 32 قىسىمدىن تەركىپ تاپقان ۋە پەيغەمبەر ئەلەيھىسسالامنىڭ تەرجىمىھالىنى چۈشەندۈرگەننىڭ سىرتىدا ھەر قىسىمنىڭ بېشىدا مەلۇم بىر تېما ھەققىدە توختالغان "پەيغەمبىرىمىز مۇھەممەد ئەلەيھىسسالام" ناملىق كۆپ قىسىملىق كارتونلار؛ 3- ياش-ئۆسمۈرلىرىمىز بىلەن ئاچا-سىڭىللىرىمىزنىڭ ئۆگىنىش پۇرسىتىگە ئېرىشەلمىگەن ئۈچۈن ئىسلامنىڭ بەش ئاساسىدىن بىرى بولغان نامازنىڭ ئوقۇلۇش قائىدىسىنى ئۆ��ىنىۋېلىشى ئۈچۈن تەييارلانغان "ناماز ئۆگىنىش قوللانمىسى" ناملىق كارتونلار؛ 4- قۇرئان كەرىمنى يېڭى ئۆگەنگۈچىلەر ئۈچۈن پايدىلىنىش ئەھمىيىتى كۆزدە تۇتۇلۇپ تەييارلانغان ۋە 8 جېگابايتلىق 4 DVD پىلاستىنكىسىدىن تەشكىل تاپقان يۈرۈشلۈك "قۇرئانى كەرىم خەتمى" پىلاستىنكىسى. بۇ پىلاستىنكىدا قۇرئان كەرىمنىڭ ئاۋازلىق نۇسخىسىنى تۈركىيەدە كۆزگە كۆرۈنگەن ۋە ۋەتىنىمىزنىمۇ زىيارەت قىلغان قارىيلاردىن ئىسھاق دانىش قارىي ئوقۇغان بولۇپ، ئېكراندا قۇرئان كەرىمنىڭ ئەرەبچە تېكىستى چىقىپ تۇرىدۇ. ئەڭ ئۈستىدە ئوقۇلۇۋاتقان سۈرىنىڭ ئىسمى بىلەن ئايەت نۇمۇرلىدىن باشقا مەككىدە ياكى مەدىنەدە نازىل بولغانلىقىنى كۆرسىتىپ بېرىدۇ. ئۇندىن باشقا ئوقۇلىۋاتقان كەلىمىنىڭ ئۈستى يېشىلغا بويىلىپ ماڭغاندىن سىرت كەلىمىنىڭ ئاستىدا ئوق ئىشارىتى مېڭىپ تۇرىدۇ. ئېكراننىڭ ئاستى تەرىپىدە بولسا ئوقۇلۇۋاتقان ئايەتنىڭ ئۇيغۇرچە تەرجىمىسى بار. 5- سېنارىيەسىنى يۇسۇف ئەلقەرداۋىي قاتارلىق ئىسلام دۇنياسىدا تونۇلغان ئالىملار تەكشۈرۈپ بېكىتكەن ۋە قاتار تېلېۋىزىيە ئىستانسىسى بىلەن mbc شىركىتى ھەمكارلىشىپ سۈرەتكە ئالدۇرغان ۋە ئىسلام دۇنياسىدا داۋالغۇش پەيدا قىلغان"ھەزرىتى ئۆمەر" ناملىق كۆپ قىسىملىق تېلېۋىزىيە تىياتىرى؛ 6- ئۇنىڭدىن باشقا 30 قىسىمدىن تەركىپ تاپقان ۋە قۇرئان كەرىمدىكى مۇھىم ھۆكۈملەرنى تېما قىلغان "قۇرئاندىكى ھۆكۈملەر" ناملىق قىسقا كارتونلارمۇ ئاللاھنىڭ مۇيەسسەر قىلىشى بىلەن ئالدىمىزدىكى ئايلاردا سىز بىلەن يۈز كۆرۈشكۈسى. مەخسىتىمىز-ئاللاھتائالانىڭ رازىلىقىنى قولغا كەلتۈرۈش ۋە خەلقىمىز ئالدىدىكى مەجبۇرىيىتىمىزنى ئادا قىلىش بىلەن بىرگە ئەۋلادلىرىمىزنىڭ دىنىمىزنى ئۆگىنىشى ۋە تىلىمىزنى ساقلاپ قېلىشتا كۈچىمىزنىڭ يېتىشىچە تىرىشچانلىق كۆرسىتىش. بۇ مەقسەتكە يېتىش ئۈچۈن زاماننىڭ تەلىۋىگە ئاساسەن ئۇچۇر دەۋرىنىڭ نېمەتلىرىدىن پايدىلىنىشنىڭ مۇھىم ئىكەنلىكىگە ئىشىنىپ ئەقلىي ئىقتىدارلىق يانفون ئىشلىتىۋاتقان قېرىنداشلىرىمىزنىڭ ئەۋلاد تورىدىكى سىنلەردىن يانفونلىرىدىمۇ بىمالال پايدىلىنىشىغا كاپالەتلىك قىلىش ئۈچۈن بۇ ئەپنى تارقاتتۇق. بۇ يولدا ماددىي -مەنىۋى جەھەتتىن بىزگە يار-يۆلەك بولۇشىڭىزنى، قولىڭىزدىن كېلىشىچە بىز بىلەن ھەمدەم بولۇشىڭىزنى، ئۇشبۇ ئەپنى، تور بېكىتىمىزنى ۋە تور بېكىتىمىزدىكى ماتېرىياللارنى باشقا مۇسۇلمان قېرىنداشلىرىمىزغىمۇ تەۋسىيە قىلىشىڭىزنى، يەتكۈزۈشىڭىزنى ئارزۇ قىلىمىز. بۇ ماتېرىياللار، بىرەر كىشىنىڭ دىنىمىزنى چۈشىنىپ، ئاللاھنىڭ كۆرسەتمىسىگە ئاساسەن ياشىشىغا سەۋەب بولالىسا، مەقسىتىمىزگە يەتكەن بولىمىز. بۇ ئەپنى ئاللاھنىڭ رازىلىقى ئۈچۈن قانچىلىك كۆپ كىشىگە يەتكۈزسىڭىز شۇنچە ياخشى! ئاخىرىدا قېرىنداشلىرىمىزدىن بىز ئۈچۈن دۇئا قىلىشنى ئۇنۇتماسلىقلىرىنى سورايمىز. ھۆرمەت بىلەن ئەۋلاد تەلىم-تەربىيە ماتېرىياللىرى تەييارلاش گۇرۇپپىسى تور بەت ئادرېسىمىز: http://www.ewlat.net ئىلخەت ئادرېسىمىز: ewlatnet@gmail.comDownload Peyghembirimiz Muhammed (a.s) 0.1 APK
Search terms:
Peyghembirimiz Muhammed (a.s) for pc
Peyghembirimiz Muhammed (a.s) mod apk
Peyghembirimiz Muhammed (a.s) full version
Peyghembirimiz Muhammed (a.s) full data